ការប្តេជ្ញាចិត្តរបស់ Kuvings ចំពោះភាពច្នៃប្រឌិត និងការពង្រីកទីផ្សារជាសកលនៅសម្រាប់សម្ភារៈផ្ទះបាយ
នៅក្នុងទីក្រុងហ្វ្រែងហ្វើត (Frankfurt) ប្រទេសអាឡឺម៉ង់ – Kuvings ដែលជាក្រុមហ៊ុនឈានមុខគេលើពិភពលោកសម្រាប់ផ្នែកសម្ភារៈប្រើប្រាស់ក្នុងផ្ទះបាយ បានចូលរួមក្នុងពិព័រណ៍ពាណិជ្ជកម្មសម្ភារៈប្រើប្រាស់ដ៏ធំបំផុតរបស់ពិភពលោក Ambiente 2025 ដែលប្រារព្ធឡើងនៅទីក្រុងហ្វ្រែងហ្វើត Frankfurt ប្រទេសអាល្លឺម៉ង់ ចាប់ពីថ្ងៃទី 7 ដល់ថ្ងៃទី 11 ខែកុម្ភៈ។ ក្នុងអំឡុងពេលពិព័រណ៍រយៈពេល 5 ថ្ងៃ Kuvings បានបង្ហាញផលិតផលដ៏ប្រឌិតជំនាន់ចុងក្រោយបំផុតរបស់ខ្លួន ដោយទាក់ទាញការចាប់អារម្មណ៍យ៉ាងខ្លាំងពីអ្នកទស្សនា និងអ្នកជំនាញក្នុងឧស្សាហកម្មដូចគ្នាផងដែរ។
នៅក្នុងព្រឹត្តិការណ៍ឆ្នាំនេះ Kuvings បានរៀបចំថ្នាក់បង្រៀនធ្វើទឹកផ្លែឈើដោយផ្ទាល់ ដោយបានបង្ហាញនូវម៉ាស៊ីនកៀបទឹកផ្លែឈើពិសេស AUTO10 និងម៉ាស៊ីនកៀបទឹកផ្លែឈើសម្រាប់អាជីវកម្ម CB1000 ។ ការបង្ហាញនេះត្រូវបានដឹកនាំដោយមេចុងភៅដ៏ល្បីឈ្មោះ Kyung Mini មកពី Korean Energy Kitchen ដោយបានផ្តល់ជូនអ្នកចូលរួមនូវបទពិសោធន៍ផ្ទាល់ជាមួយនឹងផលិតផលច្នៃប្រឌិតរបស់ Kuvings ។
Ambiente គឺជាពិព័រណ៍ពាណិជ្ជកម្មដែលត្រូវបានទទួលស្គាល់ជាសាកលសម្រាប់សម្ភារៈប្រើប្រាស់ផ្សេងៗ ដោយបានចូលរួមដោយអ្នកជំនាញនៅក្នុងឧស្សាហកម្ម និងអតិថិជនប្រមាណជាង 60 ប្រទេសជុំវិញពិភពលោកដើម្បីបង្ហាញអំពីការពេញនិយម និងវឌ្ឍនភាពចុងក្រោយក្នុងវិស័យនេះផងដែរ។
តាមរយៈការប្រើប្រាស់បច្ចេកវិទ្យាផ្ទាល់ខ្លួន និងផលិតផលដែលមានការប្រគួតប្រជែងយ៉ាងសម្បូរបែប ធ្វើអោយ Kuvings នៅតែបន្តក្នុងការពង្រីកវត្តមានរបស់ខ្លួននៅក្នុងទីផ្សារសាកលនៃសម្ភារៈផ្ទះបាយ។ ក្រុមហ៊ុនបានចូលរួមយ៉ាងសកម្មនៅក្នុងការតាំងពិពណ៌អន្តរជាតិធំៗ រួមទាំង Ambiente ក្នុងប្រទេសអាល្លឺម៉ង់ ដើម្បីពង្រឹងម៉ាកយីហោរបស់ខ្លួន និងផ្សារភ្ជាប់ទំនាក់ទំនងជាមួយអ្នកជំនាញផ្នែកឧស្សាហកម្មទូទាំងពិភពលោក។
