Kuvings ទទួលបានកិត្តិយសជាមួយនឹងពានរង្វាន់ Kitchen Innovation Award ក្នុងកម្មវិធី Ambiente 2025 ដោយទទួលបានការសរសើរ និងវាយតម្លៃលើប្រភេទចំណាត់ថ្នាក់សំខាន់ៗចំនួនបួន៖ មុខងារ ការច្នៃប្រឌិត ការប្រើប្រាស់ផលិតផល និងការរចនា។ ការទទួលស្គាល់ដ៏សំខាន់នេះ បានពង្រឹងបន្ថែមទៀតនូវបច្ចេកវិទ្យាដ៏ទាន់សម័យរបស់ Kuvings និងការប្រកួតប្រជែងនៅក្នុងទីផ្សារអឺរ៉ុបផងដែរ។
Kitchen Innovation Award គឺជាពានរង្វាន់សម្រាប់ឧបករណ៍ផ្ទះបាយដែលត្រូវបានទទួលស្គាល់ជាសាកលដែលបង្ហាញជារៀងរាល់ឆ្នាំនៅក្នុងកម្មវិធី Ambiente ដែលជាពិព័រណ៍ពាណិជ្ជកម្មសម្ភារៈប្រើប្រាស់ឈានមុខគេនៅលើពិភពលោកដែលធ្វើឡើងនៅទីក្រុង Frankfurt ប្រទេសអាល្លឺម៉ង់។ ពានរង្វាន់នេះ បានវាយតម្លៃផលិតផលដោយផ្អែកលើលក្ខណៈវិនិច្ឆ័យផ្សេងៗ រួមទាំងមុខងារ ការច្នៃប្រឌិត ការរចនា និងវិស្វកម្ម ergonomic តាមរយៈការវាយតម្លៃយ៉ាងម៉ត់ចត់ដោយអ្នកជំនាញ និងអ្នកប្រើប្រាស់។
សម្រាប់ស្តង់តាំងបង្ហាញរបស់ខ្លួនវិញ Kuvings បានទាក់ទាញអ្នកទស្សនាជាមួយនឹងការតាំងបង្ហាញផ្ទាល់នៃម៉ាស៊ីនកៀបទឹកផ្លែឈើ និងម៉ាស៊ីនក្រឡុកដ៏ទាន់សម័យរបស់ខ្លួន ដោយបានបង្ហាញពីប្រសិទ្ធភាព និងភាពសម្បូរបែបរបស់ពួកគេ តាមរយៈការកៀបទឹកផ្លែឈើនៅនឹងកន្លែង និងថ្នាក់បង្រៀនធ្វើទឹកផ្លែឈើផងដែរ។
ក្រៅពីនេះផងដែរ អ្នកតំណាង Kuvings បានសម្តែងនូវក្តីរំភើបចំពោះលទ្ធផល និងសមិទ្ធិផលទាំងនេះ ដោយលើកឡើងថា "យើងពិតជារីករាយណាស់ដែលបានទទួលពានរង្វាន់ Kitchen Innovation Award ព្រោះវាបានផ្តល់ឱកាសដ៏មានតម្លៃក្នុងការបង្ហាញពីភាពល្អឥតខ្ចោះនៃផលិតផល Kuvings ដល់អតិថិជន និងអ្នកប្រើប្រាស់ក្នុងទីផ្សារអឺរ៉ុបផងដែរ។ បន្តទៅថ្ងៃមុខ យើងនឹងខិតខំបង្កើននូវភាពច្នៃប្រឌិតសម្រាប់សម្ភារៈប្រើប្រាស់ក្នុងផ្ទះបាយដ៏ល្អប្រឌិត ដែលនឹងបំពេញចិត្តអតិថិជនទូទាំងពិភពលោក"។
